Segurtasun pribatua

Motak eta tipologiak

Estatuan edo autonomia-erkidegoan honako jarduera hauek egin daitezke:

• Ondasun, establezimendu, toki eta ekitaldi publiko zein pribatuak zaintzea eta babestea, bai eta haietan egon daitezkeen pertsonak ere.
• Pertsona fisiko jakin batzuk laguntzea, defendatzea eta babestea, baita legez agintari-izaera dutenak ere.
• Txanponak eta billeteak, balore-tituluak, bitxiak, metal preziatuak, antzinako zaharkinak, artelanak edo balio ekonomiko, historiko edo kulturalagatik eta sortutako itxaropenengatik zaintza eta babes berezia behar duten bestelako objektuak biltegiratzea, zaintzea, zenbatzea eta sailkatzea.
• Lehergaiak, armak, metalezko kartutxoak, substantziak, gaiak, salgaiak eta arriskutsuak direlako zaintza eta babes berezia behar duten beste edozein objektu biltegiratzea eta zaintzea.
• Aurreko bi paragrafoetan aipatzen diren objektuak garraiatzea eta banatzea.
• Alarmak hartzeko zentralei edo kontrol- edo bideo-zaintzako zentroei konektatutako segurtasun-aparatuak, -ekipoak, -gailuak eta -sistemak instalatzea eta mantentzea.
• Alarma-seinaleak konektatzeko, hartzeko, egiaztatzeko eta, hala dagokionean, horiei erantzuteko eta haiek igortzeko zentralak ustiatzea, bai eta pertsonen, ondasun higigarrien edo higiezinen segurtasunerako gailu osagarrien seinaleak edo ezarritako neurriak betetzeko seinaleak monitorizatzea, eta horrelako kasuetan eskudun diren Segurtasun Indar eta Kidegoei jakinaraztea ere.

Nortzuk dira interesatuak?

• Segurtasun pribatuko enpresa bat edo haren ordezkaritzak sortu, aldatu edo ezerezteko interesa duen edozein pertsona fisiko edo juridikok prozedura hori erabili ahal izango du, baldin eta legez baimenduta badago.

Baldintzak

• Erantsitako dokumentuan zerrendatutakoaren araberakoak.
• Betebeharrak: Zigor-aurrekaririk ez izatea.
• Enpresa: Behin-behineko fidantza jartzea.

Balio-epea

• Emandako baimenaren balioa mugagabea izango da, enpresa jardunean dagoen bitartean edo baimena ematea eragin zuten baldintzetakoren bat galtzen ez duen bitartean.