Egoitza elektronikoa

Aurrekari polizialak

  • Herritarren eskubideak

    • Espainiako Konstituzioaren 18.4 artikuluak datu pertsonalak babesteko oinarrizko eskubidea aitortzen du. Prozedura honen helburua da Barne Ministerioaren esparruan mekanismoa ezagutaraztea, indarrean dagoen legeriak herritarrei ematen dizkien eskubideak gauzatzeko.

      Jarraian zerrendatzen diren eskubideak guztiz pertsonalak eta independenteak dira, eta, horrenbestez, bata baliatzea ez da bestea egikaritzeko betekizuna, Arau-hauste penalak prebenitzeko, detektatzeko, ikertzeko eta epaitzeko eta zehapen penalak betearazteko tratatzen diren datu pertsonalak babesteko maiatzaren 26ko 7/2021 Lege Organikoan araututa baitaude.

      Ukituak bere eskubideak erabiltzea doakoa izango da.

      "PERPOL" fitxategiari buruzko izapideak

  • Prozedura orokorra

    • Aurrekari polizialetan sartzeko eta horiek ezerezteko eskubideak egikaritzeko, eskaera bat bidali beharko zaio interes poliziala duten pertsonen aurrekariak kudeatzeko fitxategiaren arduradunari (PERPOL). Eskaera horrek honako hauek jasoko ditu:
      • Interesdunaren izen-abizenak.
      • Jakinarazpena zer bitarteko elektronikotan edo, halakorik ezean, toki fisikotan egitea nahi duzun (posta elektronikoko helbidea eman daiteke jakinarazpena bidali edo eskura jarri dela jakinarazteko).
      • Eskabidea argi zehazteko gertakariak, arrazoiak eta eskaera, eta, hala badagokio, egindako eskaera egiaztatzen duten agiriak.
      • Lekua eta data.
      • Eskatzailearen sinadura edo bere borondatearen egiazkotasunaren egiaztapena, edozein bidetatik adierazita.
      • Administrazioko zein organo, erakunde edo unitateri aurkezten zaion.
      • Eskaerak ez baditu zehaztutako baldintzak betetzen, horiek zuzentzeko eskatuko da.

  • Eskubideak egikaritzeko moduak

    • Eskaera, harekin batera aurkeztu behar den dokumentazioarekin batera, Poliziaren Kidego Nazionalaren eremuan aurkeztu beharko da, Polizia Nazionalaren edozein komisaldegitan, edo Administrazio Publikoen Administrazio Prozedura Erkidearen urriaren 1eko 39/2015 Legearen 16.4 artikuluan ezarritako bitartekoak eta moduak erabiliz (erregistro elektronikoa, posta-bulegoak, ordezkaritza diplomatikoak edo Espainiak atzerrian dituen bulego kontsularrak, erregistro-gaietan laguntzeko bulegoak, indarrean dauden beste edozein xedapen).

  • Ordezkari bidez jardutea

    • Eskubideak honako hauen bidez egikaritu ahal izango dira:
      • Legezko ordezkaria, ukitua ezintasun egoeran edo adin-txikitasunean badago eta, ondorioz, ezin badu eskubide horiek pertsonalki gauzatu; kasu horretan, hala dela egiaztatu beharko da.
      • Borondatezko ordezkaria, eskubidea gauzatzeko berariaz izendatua. Kasu horretan, argi eta garbi egiaztatu beharko da ordezkatua nor den eta hark emandako ordezkaritza.

  • Eskatzailearekiko komunikazioa

    • Eskabidean jakinarazpenetarako adierazten den helbidetik gertuen dagoen polizia-etxearen bidez egingo da.

Tramite guztiak

Ikusi

Aurrekari polizialen izapide guztiak